منتدى الاحباب55
مرحبا بك عزيزى الزائر تشرفنا بزيارتك ويسعدنا ان تسجل معنا

يابنااااااااااااااااات ليه صوركم تكون موجوده على الفيس بوك

استعرض الموضوع السابق استعرض الموضوع التالي اذهب الى الأسفل

يابنااااااااااااااااات ليه صوركم تكون موجوده على الفيس بوك

مُساهمة من طرف رحااااااااااااااااااااب في الثلاثاء يوليو 13, 2010 8:40 pm

حاجة غريبة جدا يا جماعه والله وهو إن البنت تحط صورها علي الفيس بوك طيب حد يقولي البنت هيجيلها إيه أو هتستفيد إيه لما تحط صورها علي الفيس بوك هتزيد حته يعني بالعكس يا جماعه والله دي بتتعب بعد كده لما تحط صورها وممكن تكون مش محجبة فبالتالي بتكون بهدوم مش كويسه بتكون لابسة المحزق والملزق والبنطلون الجينز الضيق إللي في قمة السفالة والشباب عمال يبص عليها وبيتفحص كل حته في جسمها وبالتالي هيستثار يعني شهواته هتزيد والبنت طبعا بتبقي فرحانة عشان أكيد الشاب من دول هيقول كومنت علي جسمها مش عليها كشخصية أو أسلوبها في الكلام أو طريقة تفكيرها لأ يا جماعة بالعكس أي كومنت بيتقال بيتقال علي جسمها علي ستايلها علي شعرها مثلا علي اللبس الضيق إللي لبساه وهي طبعا ناسية ربنا وناسية إن هيه تصون نفسها وجسمها والله يا جماعة أنا بقول لأي بنت حاطه صورها علي الفيس بوك إن هيه كده بتخرب علي نفسها وعلي أهلها كمان لأ دي يا جماعة مصيبة من مصايب الزمن لأن هيه ناسية إن ربنا قال في القرآن بسم الله الرحمن الرحيم ( وقل للمؤمنات يغضضن من أبصرهن ويحفظن فروجهن ولا يبدين زينتهن إلا لبعولتهن ........ ) صدق الله العظيم سورة النور آيه 31
وفي آية تانية ربنا بيقول فيها ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدني أن يعرفن فلا يؤذين وكان الله غفورا رحيما ) الأحزاب 59


لأن يا جماعة زي ما فيه الخير في الشر وزي ما فيه الشاب المحترم إللي عارف ربنا زي ما فيه برضه الشاب السافل المش محترم وزي ما فيه الحلو فيه الوحش برضه يا جماعة بجد مش عايزين نضحك علي ربنا وعلي نفسنا


وطبعا الكلام ده للبنت المحجبة عشان برضه أغلبية البنات المحجبين بتبقي محجبة حجاب غير شرعي وطبعا زي ما بنشوف في الجامعة مناظر أستغفر الله العظيم
المصيبه الكبري بقي إن البنت إللي بتحط صورها علي الفيس بوك بتبقي صورتها مكشوفه للعالم كله وهيه طبعا لابسة لبس مش كويس نص جسمها باين وأهم ما في الموضوع إن هيه ناسية إن ربنا مطلع عليها بالله عليكي قوليلي هتقوليله إيه يوم القيامة لما يسألك علي الصور إللي إنتي نشراها علي الفيس بوك دي هتقوليله يارب أنا كنت بعمل كده علي سبيل الروشنة ولا كنت بعمل كده عشان ألاقي عريس ولا كنت بعمل ده عشان أعيش حياتي من المعروف يا جماعة إن البنت بتستحي بتخاف من ألاعيب الشباب بتخاف من تفكير الشباب طبعا في الزمن إللي إحنا فيه ده إتقلبت الموازين بقيت البنت معندهاش أي نوع من الحياء بتبقي البنت لابسه بنطلون جينز ضيق جدا وللأسف بتبقي لابسه حجاب بالعكس يا جماعة دي هيه كده بتسيئ للحجاب وبعدين ده مش إسمه حجاب أصلا بتبقي لابسه حجاب وباقي جسمها كله ضيق وهيه ناسية إن هيه كده بتضحك علي نفسها وعلي ربنا يا جماعه ده مش إسمه حجاب الحجاب الشرعي شروطة ستر جميع بدن المرأة – الا يكون الحجاب في نفسه زينة – أن يكون صفيقا ثخينا لا يشف – ان يكون فضفاضا واسعا غير ضيق – ان لايكون مبخرا مطيبا – الا يقصد به الشهرة بين الناس – الا يشبه ملابس الكافرات – الا يشبه ملابس الرجال


فبتبقي البنت لابسه لبس غير شرعي ده غير طبعا المكياج والمانكير وانتي عارفه ربنا قال إيه في القرآن ( ولا يبدين زينتهن ) بالله عليكي هتقولي لربنا إيه يوم القيامه لما يسألك هتقوليله اه يارب إنت فرضت عليا الحجاب بس أنا مكونتش بلبسه ولا هتقوليله اه وسعات بلبس طرحه بس وباقي جسمي كله باين وظاهر لأن أنا هدومي كلها ضيقة علي فكرة كلنا هنتسأل يوم القيامة كل واحد فينا هيتسأل علي فكرة يا جماعة في حديث عن سيدنا محمد بيقول ( ما منكم من أحد إلا سيكلمه ربه ليس بينه وبينه ترجمان ، فينظر أيمن منه فلا يري إلا ما قدم ، وينظر أشأم منه فلا يري إلا ما قدم ، وينظر بين يديه فلا يري إلا النار تلقاء وجهه ، فاتقوا النار ولو بشق تمرة ، وإن لم يجد فبكلمة طيبة ) صدق رسول الله صلي الله عليه وسلم

إيه رأيك بقي لما سمعتي الحديث ده


طيب إيه العمل بقي للبنت إللي حاطه صورها علي الفيس بوك أقولك خدي بالك
لازم لبسك يبقي طويل\ ومش مبين حاجة من جسمك\ ومش شفاف\ ومش فيه أي حاجة تلفت النظر\ وبلاش برفانات ومانكير عشان الصلاة ده بالإضافه إن ميكونش ليكي صوره في أي مكان مع أي حد حتي لو كانت واحدة صحبتك عشان ممكن تبقي عند أخوها أو عند عمها أو عند إبن خالتها


المفروض بجد يا جماعة البنت تهتم بنفسها شويه تحاول تصلح من نفسها شوية تحسن علاقتها مع ربنا تصلي وتصوم إتنين وخميس بس طبعا للأسف البنات دلوقتي عكس إللي أنا بقوله خالص طبعا بعض البنات مش كلهم البنت دلوقتي عمالة تسمع أغاني هابطة وبقيت تهتم بنفسها كتير في لبسها في شكلها في ستايلها ونسيت إن ليها رب هيحاسبها علي كل إللي كانت بتعمله مش هيحاسبها وبس ده ربنا هيكلم كل واحد والولاد طبعا بقو يسمعو أغاني هابطة باعدين عن طريق ربنا الدنيا وخداهم والشيطان غاويهم وللأسف لما تيجي في الجامعة مثلا تقول لشاب تعالي صلي يقولك هصلي في البيت هصلي في البيت طيب إفرض ملك الموت جالك يقولك أموت بنية صالحة لأ يا جماعة دي مش إسمها نية دي إسمها أمنية


في ناس تانيه ممكن تقولي إن البنت لما بتحط صورها بتحطها عشان قرايبها أو عشان أخوها مثلا أقولكم يا جماعة أنا فاهم بس زي ما فيه ناس بتعمل كده في ناس برضة متخصصين في الهاكرز وتقدر تخترق صفحتك والمصيبة الكبيرة بقي إن ممكن يركبو الصور دي علي صورة تانية سافلة فبلاش نضحك علي نفسنا لأن إحنا دلوقتي بقينا في زمن إنعدم فيه الحياء سواء كان من البنت أو الولد

بقي الحياء ده عندنا هو أخر حاجة نتكلم عليها واللي بيتمثل في التليفزيون في الأفلام السافلة إللي بيجبوها حاجة آخر قلة أدب وقلة إحترام وخدش حياء وبعد عن ربنا يعني الحاجات إللي بيجبوها في التليفزيون دي دعوة عامة للإنحراف بكل أنواعه وشوفو بقي قمة إنعدام الحياء إن الفيلم مش بيبقي في مناظر قذرة وبس ويكتفو بكده لأ ده كمان بيبقي فيه ألفاظ في قمة السفالة سواء من الشاب أو الشابة في الفيلم
فالبنت يا جماعة لازم تصون نفسها تحافظ علي نفسها تخاف علي نفسها سيدنا محمد عليه الصلاة والسلام يا جماعة بيقول إيه
بيقول ( صنفان من أهل النار لم أرهما وذكر :-
ونساء كاسيات عاريات مميلات مائلات ، رؤوسهن كأسنمة البخت المائلة ، لا يدخلن ولا يجدن ريحها ، وإن ريحها ليوجد من مسيرة كذا ) رواه مسلم
أقول للبنت إللي بتقدم هوي النفس علي حكم الله أقولها إسمعي قول الله بسم الله الرحمن الرحيم ( ولا تتبع الهوي فيضلك عن سبيل الله ) صدق الله العظيم سورة ص 26


لما كل إنسان يشوف صورتك ويشيل هو ذنب إنه مغضش بصره وتشيلي إنتي ذنب إنك حاطه صورتك شوفي كاااااااام واحد شاف الصور دي وشوفي كاااااااااام ذنب شيلتيه والعداد شغال
خللي بالك الذنوب دي كلها ممكن تتحول حسنات لو توبتي لو حذفتي الصور من علي النت والفيس بوك


ها إنوي ومتتردديش دي الجنة سبب دخولها رحمة ربنا وعشان ربنا يرحمنا لازم نعمل إللي يرضيه ونبعد عن إللي يغضبه وانتي صورك إللي علي الفيس بوك دي ممكن تسخن الشباب إنهم يعملو الحرام بأي نوع من الأنواع فليه تكوني أداة للقضاء علي الشباب المسلم
خللي بالك لو شيلتي صورك دلوقتي بفضل الله وبإذنه هتتحول ذنوبك لحسنات


في حديث بقي يا جماعة وده هدية مني لكل الموجودين علي الفيس بوك ولكل الناس وهو

قال رسول الله صلي الله عليه وسلم ( لو أن العباد لم يذنبوا ، لخلق الله خلقا يذنبون ، ثم يستغفرون ، ثم يغفر لهم ، وهو الغفور الرحيم ) صدق رسول الله صلي الله عليه وسلم

avatar
رحااااااااااااااااااااب
مشرفه
مشرفه


الرجوع الى أعلى الصفحة اذهب الى الأسفل

رد: يابنااااااااااااااااات ليه صوركم تكون موجوده على الفيس بوك

مُساهمة من طرف الجنتل في الثلاثاء يوليو 13, 2010 9:05 pm

رحاب
بارك الله فيكى
وياريت كل البنات يعملو زى منتى بتقولى
كان ربنا صلح حال الجميع
وربنا يهدينا ويهديهم


avatar
الجنتل
********
********


الرجوع الى أعلى الصفحة اذهب الى الأسفل

رد: يابنااااااااااااااااات ليه صوركم تكون موجوده على الفيس بوك

مُساهمة من طرف رحااااااااااااااااااااب في الأربعاء يوليو 14, 2010 3:41 pm

ميرسى على ردك اوى ياجنتل
avatar
رحااااااااااااااااااااب
مشرفه
مشرفه


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى