نكت x نكت

من طرف البرنسيسه الجمعة مايو 28, 2010 10:23 am

01-غبى سمع ان فى الصين كل دقيقة بيتولد واحد قال
هو ده التطور مش احنا كل 9 شهور

02 - صعيدي اتمسك بيزور فلوس فبيقول للظابط وانت
عرقتوني منين يا باشا,,فرد الظابط وقالة::يا ابن الجزمة هو في ورقة ب 65
جنيه

03 - واحدة قاعدة مع خطيبها في مطعم و بياكلو لب كل
ما يجي يبوسها تقولو لأ في ناس عيب.. قطعت الكهربا ..قالتلو أستغل
الفرصة هرب و مدفعشى الحساب

04 - يعني اية فيس بوك : يعني ابوكمال يكتب نكتة و تاني يوم مايلاقي ولا كومنت ولا لايك و تيجي هند تكتب نفس النكتة وتاني يوم تلاقي 100 كومنت و 150 لايك صح ولا اية

05 - واحد بيقول لصاحبه تيجى نركب اتوبيس؟؟ قالو : يا عم لأ ، احنا نجرى جنب الاتوبيس ونوفّر النص جنيه .... فرد وقالو صاحبو طب منجرى جنب التاكسى ونوفّر خمسة جنيه

06 - استاد سأل طالب في اي فصل يسقط المطر ....فال له في الفصل اللى مالهوش سقف

07 - مسطول راح المحكمة القاضى بيسأله انت متجوز مين؟قاله:واحدة
ست,القاضى قاله
انت هتهرج؟ امال فى حد بيتجوز راجل , قاله :اه اختى

08 - واحد بيقول لصاحبه هو انا لما ابوس اختك نبقى نسايب ؟
قالوا لأ نبقى خالصين

09 - واحد مسطول راح يسجل ابنه بمدرسة خاصة .. قال له المدير اقساط المدرسة 2000 دولار .. والباص 200 .. قام المسطول قاله سجلوه بالباص وخلص

10 - صعيدي اشتري لابنه اله حاسبه وشال منها الصفر عشان
ميتصلش دولي

11 - كمبيوتر قال لكمبيوتر انتى طالق ..... قالت يالهوى والسى دى اللى فى بطنى

12 - ظابط طلع على المعاش فتح محل حلويات سماه التورتة في خدمة الشعب

13 - واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع

14 - بلدياتنا وقع من الدور العاشر .. جاله صداع

15 - مدرس انجليزى طلعله عفريت قاله بخ قاله اسبلها

16 - فرفور عايز يشترى لبن بيقال اللبان عم يا عم ممكن عصير بقرة

17 - نصيحة مسطول
رضا الوالدين اهم من رضا أمك وأبوك

18 - عيل في كي جي صايع اوي بيقول للمدرسه بتاعته انا عايز اتجوزك قالتله مش بحب العيال قالها وانا مش مستعجل عالخلفا

19 - واحدة بتعيط إبنها تايه قابلها واحد قال لها: ماتخافيش ولاد الحلال مابيضيعوش قالت: يانهار أسود يبقى الواد مش هايرجع

20 - حشاشين قاعدين في خيمه...و مكانش معاهم حاجه يولعو بيها فبعتو واحد منهم
يجبلهم ولاعه...طلع ودخل من الناحيه التانيه !!و قال يا جماعه لو سمحتو
ممكن ولاعه.... قالوله اقعد..اقعد.. احنا بعتنا واحد يجيب